ਜਲੰਧਰ ਪੰਜਾਬ ਦੈਨਿਕ ਨਿਊਜ਼ ( ਮੁਨੀਸ਼ ਤੋਖੀ ) ਸਥਾਨਕ ਦੁਆਬਾ ਖਾਲਸਾ ਸੀਨੀਅਰ ਸੈਕੰਡਰੀ ਸਕੂਲ ‘ਚ ਅੱਜ ਆਉਂਦੇ ਦਿਨਾਂ ਵਿਚ ਸਕੂਲ ਤੇ ਬੋਰਡ ਦੀਆਂ ਸਲਾਨਾ ਪ੍ਰੀਖਿਆ ਨੂੰ ਦੇਖਦਿਆਂ ਸੱਫਲਤਾ ਲਈ ਗੁਰੂ ਚਰਨਾਂ ਵਿਚ ਅਰਦਾਸ ਕਰ ਪਰਮਾਤਮਾ ਦਾ ਓਟ ਆਸਰਾ ਲਿਆ ਗਿਆ। ਉਕੱਤ ਜਾਣਕਾਰੀ ਦਿੰਦਿਆਂ ਸਕੂਲ ਪ੍ਰਿੰਸੀਪਲ ਸਾਹਿਬਾ ਬਰਜਿੰਦਰ ਕੌਰ ਧਾਮੀ ਨੇ ਦਸਿਆ ਕਿ ਸਕੂਲ ਦੀ ਹੋਂਦ ਤੋ ਲੈ ਕੇ ਹੁਣ ਤਕ ਇਹ ਪ੍ਰਿੱਤ ਚੱਲੀ ਆ ਰਹੀ ਹੈ ਕਿ ਸਕੂਲ ‘ਚ ਹੀ ਸਥਿਤ ਗੁਰਦੁਆਰਾ ਸਾਹਿਬ ਵਿਖੇ ਹਰ ਸ਼ੈਸਨ ਦੀ ਸ਼ੂਰੁਆਤ , ਪ੍ਰੀਖਿਆਵਾਂ ਤੇ ਖੇਡ ਮੁਕਾਬਲਿਆਂ ਵਿਚ ਭਾਗ ਲੈਣ ਲਈ ਪਾਠ ਕਰ ਸੱਫੱਲਤਾ ਲਈ ਆਰਦਾਸ ਕਰ ਪਰਮਾਤਮਾ ਦਾ ਓਟ ਆਸਰਾ ਲਿਆ ਜਾਂਦਾ ਹੈ। ਪਿਛਲੇ ਸਮੇਂ ਕਰੋਨਾ ਕਾਲ ਦੋਰਾਨ ਸਰਕਾਰੀ ਹੁਕਮਾਂ ਅਨੁਸਾਰ ਕਈ ਵਾਰ ਵਿਦਿਅਕ ਅਦਾਰੇ ਬੰਦ ਕਰਨ ਦੇ ਆਦੇਸ਼ਾਂ ਕਾਰਨ ਦਿੱਕਤਾਂ ਵੀ ਦਰਪੇਸ਼ ਹੋਈਆਂ। ਲੇਕਿਨ ਹੁਣ ਫੇਰ ਸਰਕਾਰੀ ਆਦੇਸ਼ਾਂ ਨਾਲ ਖੁੱਲ੍ਹੇ ਵਿਦਿਅਕ ਅਦਾਰਿਆਂ ਵਿਚ ਵਿਦਿਆਰਥੀਆਂ ਦੇ ਆਉਣ ਨਾਲ ਮੁੜ ਰੌਣਕਾਂ ਭਰਿਆ ਮਾਹੌਲ ਦੇਖਣ ਨੂੰ ਮਿਲ ਰਿਹਾ ਹੈ।ਇਸ ਮੁੱੜ ਪੱਲਟੇ ਖੁਸ਼ਗਵਾਰ ਮਾਹੌਲ ਦੇ ਸ਼ੁਕਰਾਨੇ ਤੇ ਸੱਫਲਤਾ ਦੇ ਸੰਦਰਭ ਵਿਚ ਹੀ ਅੱਜ ਸਕੂਲ ਸਮੂਹ ਅਧਿਆਪਕਾਂ , ਵਿਦਿਆਰਥੀਆਂ ਪ੍ਰਿੰਸੀਪਲ ਸਾਹਿਬਾ ਦੀ ਅਗਵਾਈ ਵਿਚ ਸੁੱਖਮਨੀ ਸਾਹਿਬ ਦਾ ਪਾਠ ਉਚਾਰਨ ਕੀਤਾ ਗਿਆ। ਜਿਸ ਮਗਰੋਂ ਪਰਮਾਤਮਾ ਦਾ ਓਟ ਆਸਰਾ ਲੈਣ ਲਈ ਗੁਰੂ ਮਾਹਰਾਜ ਦੇ ਚਰਨਾਂ ਵਿਚ ਅਰਦਾਸ ਕੀਤੀ ਗਈ।
" width=" 
