ਬਿਆਸ (ਪੰਜਾਬ ਦੈਨਿਕ ਨਿਊਜ਼ ) ਪੰਜਾਬ ਦੇ ਜ਼ਿਲ੍ਹਾ ਅੰਮ੍ਰਿਤਸਰ ਦੇ ਨੇੜੇ ਪੈਂਦੇ ਬਿਆਸ ਤੋਂ ਵੱਡੀ ਖਬਰ ਸਾਹਮਣੇ ਆ ਰਹੀ ਹੈ I ਰਾਧਾ ਸਵਾਮੀ ਸਤਿਸੰਗ ਡੇਰਾ ਬਿਆਸ ਦੇ ਸ਼ਰਧਾਲੂਆਂ ਲਈ ਹੁਣ ਇਹ ਚੰਗੀ ਖ਼ਬਰ ਸਾਹਮਣੇ ਆਈ ਹੈ। ਡੇਰੇ ਵਲੋਂ ਕੋਵਿਡ ਦੌਰਾਨ ਸ਼ਰਧਾਲੂਆਂ ਦੀ ਸੁਰੱਖਿਆ ਨੂੰ ਅਹਿਮੀਅਤ ਦਿੰਦੇ ਹੋਏ ਕਈ ਵਾਰ ਪ੍ਰੋਗਰਾਮਾਂ ’ਤੇ ਰੋਕ ਲਾਈ ਗਈ ਸੀ। ਪਰ ਹੁਣ ਬੀਤੇ ਕੁੱਝ ਦਿਨ ਪਹਿਲਾਂ ਡੇਰੇ ਵਲੋਂ ਸਤਸੰਗ ਸ਼ੁਰੂ ਕਰਨ ਦੀ ਗੱਲ ਕਹੀ ਗਈ ਸੀ, ਇਸ ਲੜੀ ਵਿਚ ਡੇਰੇ ਵਲੋਂ ਸਾਲ 2022 ਦੇ ਅੰਤ ਤੱਕ ਅਤੇ 2023 ਦੇ ਨਵੇਂ ਸਾਲ ਵਾਲੇ ਦਿਨ ਹੋਣ ਵਾਲੇ ਪ੍ਰੋਗਰਾਮਾਂ ਦਾ ਰਿਵਾਈਜ ਸ਼ਡਿਊਲ ਜਾਰੀ ਕਰ ਦਿੱਤਾ ਗਿਆ।ਸਤਿਸੰਗ ਸੈਂਟਰ ਆਫ ਇੰਡੀਆ ਦੇ ਰਿਟਾਇਰਡ ਕਰਨਲ ਜੀ. ਐੱਸ. ਭੁੱਲਰ ਦੁਆਰਾ ਜਾਰੀ ਪੱਤਰ ਗਿਣਤੀ ਨੰਬਰ 43/ ਸਤਿਸੰਗ ਪ੍ਰੋਗਰਾਮ /780 ਦੇ ਜ਼ਰੀਏ ਜੋਨਲ ਸੈਕਟਰੀ, ਕੋ – ਆਰਡੀਨੇਟਰ, ਏਰੀਆ ਸੈਕਟਰੀ, ਸੈਕਟਰੀ ਨੂੰ ਸੂਚਿਤ ਕਰਕੇ ਕਿਹਾ ਗਿਆ ਹੈ ਕਿ ਉਹ ਇਨ੍ਹਾਂ ਤਰੀਕਾਂ ਬਾਰੇ ਸੰਗਤ ਤਕ ਸੂਚਨਾ ਪਹੁੰਚਾਉਣ।ਪੱਤਰ ਮੁਤਾਬਕ ਪਹਿਲਾਂ ਤੈਅ ਸਤਸੰਗ ਤੋਂ ਬਾਅਦ ਬਿਆਸ ਵਿਚ ਨਾਮਦਾਨ ਦਿੱਤਾ ਜਾਵੇਗਾ, ਜਦੋਂ ਕਿ ਮਾਰਚ ਅਤੇ ਜੁਲਾਈ ਵਿਚ ਨਾਮਦਾਨ ਨਹੀਂ ਦਿੱਤਾ ਜਾਵੇਗਾ। ਰਿਟਾ. ਕਰਨਲ ਜੀ. ਐੱਲ. ਭੁੱਲਰ ਦੁਆਰਾ ਜਾਰੀ ਪੱਤਰ ਵਿੱਚ ਦੱਸਿਆ ਗਿਆ ਕਿ ਅਕਤੂਬਰ ਵਿਚ ਸਭ ਤੋਂ ਜ਼ਿਆਦਾ ਪ੍ਰੋਗਰਾਮਾਂ ਦਾ ਪ੍ਰਬੰਧ ਹੋਵੇਗਾ। ਇਸ ਕ੍ਰਮ ਵਿਚ ਮਾਰਚ 20 ਅਤੇ 27 ਨੂੰ ਮੁੱਖ ਡੇਰਾ ਬਿਆਸ (ਪੰਜਾਬ) ਵਿਚ ਸਵੇਰੇ 9 ਵਜੇ ਤੋਂ ਸਤਿਸੰਗ ਪ੍ਰੋਗਰਾਮ ਸ਼ੁਰੂ ਹੋਵੇਗਾ। ਇਸ ਖ਼ਬਰ ਤੋਂ ਬਾਅਦ ਡੇਰੇ ਦੀਆਂ ਸੰਗਤਾਂ ਦੇ ਵਿਚ ਖੁਸ਼ੀ ਦੀ ਲਹਿਰ ਪਾਈ ਜਾ ਰਹੀ ਹੈ। ਜਿਕਰਯੋਗ ਹੈ ਕਿ ਬਿਆਸ ਡੇਰੇ ‘ਚ ਪੰਜਾਬ ਤੋਂ ਹੀ ਨਹੀਂ ਪੂਰੇ ਭਾਰਤ ਅਤੇ ਦੇਸ਼ਾਂ ਵਿਦੇਸ਼ਾਂ ਤੋਂ ਵੀ ਸੰਗਤਾਂ ਆਊਂਦੀਆਂ ਹਨ। ਇੱਥੇ ਦੱਸਣਯੋਗ ਗੱਲ ਇਹ ਵੀ ਹੈ ਕਿ ਪੰਜਾਬ ਸਰਕਾਰ ਨੇ ਕੋਰੋਨਾ ਦੇ ਨਿਯਮਾਂ ਨੂੰ ਬਦਲਾਅ ਕਰਦੇ ਹੋਏ ਤੁਰੰਤ ਪ੍ਰਭਾਵ ਦੇ ਨਾਲ ਸਾਰੇ ਦਿਸ਼ਾ ਨਿਰਦੇਸ਼ ਵਾਪਸ ਲੈ ਲਏ ਨੇ ,ਅਤੇ ਪੰਜਾਬ ਭਰ ਦੇ ਵਿੱਚ ਕੋਰੋਨਾ ਮਰੀਜ਼ਾਂ ਦੀ ਗਿਣਤੀ ਨਾਂਮਾਤਰ ਰਹਿ ਗਈ ਹੈ I
